دكتورة لمياء من أفضل دكتورات النساء والولادة اللي ممكن الواحد يتعامل معهم، أسلوبها راقي جدًا ومريح للنفس قبل أي شي، تدخل العيادة وانت متوترة وتطلع وانت هادئة ومطمئنة. ما تحسسك أبدًا بالخوف ولا الإحراج، بالعكس تحسسك بالأمان وكأنك تتكلمي مع شخص قريب منك. قبل ما تعالج المشكلة الصحية، عالجت خوفي وقلقي وتوتري، وشرحت لي كل شي بهدوء وبطريقة بسيطة وواضحة خلتني أفهم وضعي بدون تهويل ولا تخويف ،صبرها وأخلاقها العالية وطريقتها في الاستماع للمريضة شيء نادر جدًا، تحس فعلًا إنها تهتم وتبغى تطمّنك مو بس تخلص الكشف. طلعت من عندها وأنا نفسيتي أفضل بكثير، وارتحت نفسيًا قبل ما أرتاح جسديًا ،أنصح فيها وبقوة لكل بنت أو سيدة تبغى دكتورة تجمع بين العلم، والاحترافية، والإنسانية، والاحترام. تجربة أكثر من رائعة وتستاهل كل الشكر والتقدير.

ماشالله بالرغم من انهم مستشفى صغير لكن مستشفى متكامل من ناحية الرعاية والاهتمام والتخصصات .. والطاقم كلو محترم والله من استقبال ودكاترة وممرضات .. مافي احد نفسه شينة .. - كنت اراجع عند دكتور صدرية سوري اسمه عبدالكريم اتوقع .. للاسف نقل لكن والله ينسيك التعب والوجع ب اسلوبه وكلامه .. - وراجعت بعده عند الدكتورة فرح برضو صدرية ماشالله عليها نفسها حلوة واهتمامها ممتاز .. - واخرها امس راجعت عند دكتور طوارئ دكتور معتز ماشالله عليه صدره رحب وكلامه عسل .. اتمنى من ادارة المستشفى يحافظوا على نفس الجودة من الطاقم واتمنى لكم التوفيق

زرت مستشفى باقطب ووجدته مميز جداً، الاستقبال والاستعلامات ممتازة، ودكاترة الأطفال وعلى رأسهم الدكتورة نهاد تعاملهم راقي واهتمامهم واضح، وكذلك دكتور العظام حاتم سليمان كان تشخيصه وعلاجه ممتاز. أيضاً دكتور العيون أشرف عبدالسلام متمكن جداً وشرحه واضح ومريح. أخذت ولدي وزوجتي وكانوا مرتاحين جداً من الخدمة. كما التقيت بالدكتور طلال باقطب – صاحب المستشفى – ووجدته إنسان محترم جداً ويسأل بنفسه عن احتياجات المرضى. المستشفى بشكل عام نظيف ومنظم، أنصح به بشدة

زرت الدكتور حاتم سليمان أخصائي عظام، خلوق ومميز ومن أفضل الأطباء في هذا التخصص ويعمل بضمير وذمة،كشف علي يدوياً وشخص الالم بدون تكبدي خساير أشعة وتحاليل.